وهنت عليك !!!
------------------
وهنت عليك
وهان الحلم والأفراح
وبدّلت الحنان والحب
بينّا .. ياحبيبي جراح
قدر رمشك ينام ازاي
كده ويرتاح
وانا عايشةنهاري ليل
وليلي صباح
قدرت ازاي يعدي اليوم
وماتشوفنيش
وليل ونهار أنا طيفك
مابيفوتنيش
وف بعادك بقيت طيرة
ومالها ريش
وكنت بطير هنا وهناك
ف دنيا براح
واقول الحب هناني
وانا ف نشوة
وانا لسه ف حب عنيك
أهيم واهوي
وفجأة لقيت
ف قلب عيونك القسوة
صبحت ف نار
وكان قلبي سعيد مرتاح
وأسأل قلبي كام مرَّة
ما حبتنيش ؟
يقول قلبي
دي نزوة طيش
وغيره ماليش
وبكره يعود
يوفّي عهود
ولا هنتيش
يطمنّي ..
وأنسي إنه ظالمني
واقوله سماح
أم الشعراء
سامية سليمان
تحرير :
رئيس مجلس إدارة الجريدة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي