( إحساسي ليك )
إنت عارف ياحبيبى لما باشوفك وبتبقي معايا بحس بإييه
بحس بنشوه وكل حته فيآ بترقص وطايره في السما فرحانه
وأحاسيسي ومشاعري دايبين فيك وفي هواك ومش عارفه لييه
وأول ماإيدك تلمس إيديا بحس إن أنا مش أنا وفي الحب غرقانه
ولما عنيك تحضن عنيآ بحس اني عايشه في الجنه والنعيم والهنا
قولي ياحبيب العمر كله هو انت عملت ايه فيآ والاَّ أنا مابقتش أنا
إحساسي ليك كل يوم بيزيد هو ده الحب الحقيقي ولاَّ كُتر خوف وحنيه
كلمتين ياحبيبي عايزه أقولهم بس خايفه تسوق دلالك عليآ
وبعد مااتعودت عليك دايماً تكون معايا تلوعني وتزود اللَّهيب فيآ
وتخلي حبك ناره تكويني ويعذبني شوقي وحنيني
وانت اغلي حاجه في دنيتي وحلم عمري ومنايا ونور عيني
وافضل ساعتها ياحبيبي اترجاك لاتبعد عني ولا تغيب وترحم دمعتي
ياحبيبي وف قلبي غالي ماتخليش قلبك يقسي عليآ يوم وتزود لوعتي
لا تخاصمني ولآ تهجرني وتحرمني منك أو عنك ليله تبعدني
ياحبيبى لازم تعرف إن حبك ليآ اغلي شيء في الدنيا وخلاص جنني
وعشقي وغرامي وحبي ليك ماعرفوا ولا حب زيه قبل مني إنسان
إنت خليت الضحكه في حياتي ليها معني وقلبي في بحر من الحنان غرقان
إنت عارف ياحبيبي كنت ناويالك علي ايه كنت ناويه كل مااشوفك اعذبك
وأخد بتار قلبي اللي سرقته مني وخليته غصب عني يعشقك
لقيت نفسي دايبه ف هواك وجسمي بيطلب غرامك وهو بيرتعش وكياني كله بيتهزلك
والقي نفسي بدعيلك من جوه قلبي واقول من غير خوف ومن غير قلق
سبحانه من جعل الحب في قلوبنا وخلاه يخلي اللي كان غريب في يوم عنا هو أغلي ماخلق
ربي يخليك ليآ يانن عيني ياللي اتخلقت في الدنيآ علشاني
تسعدني وتهنيني ولا يوم من الأيام تبعد عني أو تنساني
خــواطـــر..( أشـــرف الدغــيـدي )
حـقـوق الملكــية محـفــوظــه
رئيس مجلس إدارة المجلة
ورئيس التحرير
#الجريح
ميراث الخسة عارفينه جاي م نين
واكل من كتاف الوفا وشطره نصين
لا وفاء ينفع له حتي لو هديته قلب ب روحين
بيرقص ويغني بالغدر ع الوفا ب وشين
لا توبه تشفع له حتي لو ساق م الهبل حبين
الأديب والشاعر الجريح
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي