( وشـكـيت حــالي )
وآخرتها معاك ياحبي
ح تعمل ايه فيا وف قلبي
وناوي معايا ياحب علي ايه
وتاعبني انا وقلبي ليه
لانوم ولا راحه للعين
وفين حبيبي فين
شكيت حالي لقمر الليل
من كتر السهر و الويل
ياتنام الليل عيني
ويرتاح معاها بالي
ياتخلي حبيبي يجيني
يرحمني ويرحم حالي
*********************
دا انا ليل ونهار بفكر فيه
وطول الليل بدور عليه
وما سيبت حد ماسألته عنه
سألت عنه السما ونجومها
وأوراق الأشجار وأغصانها
وبساتين الكون وزهورها
والطيور ع الأرض وطايره
ورمل الصحاري رمله رمله
************************
وبعت جوابات ومراسيل
وناجيت طيفه طول الليل
ماحد طمن قلبي عليه وفرحني
ولا نامت عيني علشان يزورني
ويجيني حبيبي في المنام
ياريتني يومها ماكنت شوفته
ولا رسمت في خيالي صورته
طب اعمل ايه ياناس قولولي
وازاي ح افضل سهران الليالي
**************************
لمحته وحبيته من غير مايشوفني
وكبر فقلبي حبه من غير مايعرفني
ولقيت نفسي بفكر فيه ليل ونهار
وياريته كان حاسس بيا و بحبي
ماكان قلبي عذبني ولا بالي احتار
لا انا قادر ياناس اوصله واقوله
ولا قادر علي دمع العين اخبي
وايه آخرة الحب ده كله
غير الضنا والسهد والدموع
ولإمته ح افضل ياربي
تايه ليل ونهار مني عقلي
وقلبي علي طول موجوع
***********************
خــواطـــر...( أشـــرف الدغيـــدي )
حــقــوق المـلكـية محـفــوظـــه
رئيس مجلس إدارة المجلة
ورئيس التحرير
#الجريح
ميراث الخسة عارفينه جاي م نين
واكل من كتاف الوفا وشطره نصين
لا وفاء ينفع له حتي لو هديته قلب ب روحين
بيرقص ويغني بالغدر ع الوفا ب وشين
لا توبه تشفع له حتي لو ساق م الهبل حبين
الأديب والشاعر الجريح
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي