همام وبهيه
.......
بهيه بنت مليحه شابه وصابيه
تمشي تتعايق تخطف بدل القلب ميه
حبت شاب من جدعان البلد في عينيها فارس تمام و همام
وهنروح لبيعد ليه الشاب اسمه همام ابن تمام
بابهم كل يوم يخبط مين بالباب واحد من العرسان
ابن العمده ابن شيخ البلد ولا ابن واحد من الاعيان
وهي رافضه وتقول لاء مش عايزه الا اللى قلبى اختاره من زمان
هاعيش معاه مستورة ولا هشتكي جوع ولاحرمان
همام مفلس وعلي باب الله لا حيلته قيراط ولا فدان
عامل اجري باليومية وتشوف راجع راكب حماره ولا الفرسان
......
يابهيه الجحش مات والعمر فات ومافيش
وبرضوا نصبر ونهونها ربك كريم متنسيش
مش همد ايدى ولا اقول ياحوجه وهاعيش
شايل حمولي علي اكتافي واستني حلم مابيجيش
مش هيقلقني فقر ولا عوزه واللي ييجي فى الريش بقشيش
ماتعيطيش وتعالي نحلم يمكن الرزق ييجي ماتقلقيش
ونتلم في شقه تبقي سرايا وعيال شقأوتها ماتنتهيش
يابت رب الأرزاق كريم واللى يقصده يستره متيأسيش..
اسمعي مني الكلام وتعالي كلامي والله جد مش كلام دراويش
...........
يابهيه العمر بيعدي يابت وعمرك هيضيع في الاوهام
اخواتك اتجوزوا من زمن ووراهم العيال بعدد طيور البيت والحمام
العمر مش هيعدي يابا وهستني عدلي التمام
انا حبيت راجل جدع واسمه فى البطاقه همام
شايل حموله علي اكتافه وهيشيل حملي من غير كلام
يابا متضيعنيش انا بحبه وبلاش ملام
هستني سنه واتنين وعشرة بغرضي مش استرحام
شايفاه فى عينى يابا اجدع راجل قيمه وسيما واحترام
مسيرة يلم القرشنات ويخطبني من غير صدام
حلفتك بالنبي يابا متجبرنيش علي جوازة وبعدها ندمان
يابا بحبه ومعاه هعيش علي حصيره وناكل دؤه ومش هننضام
.......
همام عزم النيه قلع الجلبيه واتطوع فى الجيش شاويش
لبس الميري انتكه وبياده عال العال مبقاش من الحرافيش
راتبه في جيبه عمران ودافي مبقاش محتاج بقشيش
نزل البلد يتمخطر ببدلته منفوش الريش
خبط علي بابهم فتحت بهية شافته طارت من غير ريش
دخل البيت يابا الحاج طالب منك ايد بهيه ومتكسفنيش
الحالة بقت عال والاشيه معدن وافق خلينا نعيش
برضاك هتكمل فرحتنا اجازتي يومين من الجيش
وزي الحواديت همام اتجوز بهية.وفى التبات والنبات عاش الدرويش
.....محمود درويش....
رئيس مجلس إدارة المجلة
ورئيس التحرير
#الجريح
طوب الخيانة لو إتقص
مينفعش فيه ألف مقص
لو بإيدي لأولع فيه
ولا يحتار منه أي مقص
لفلف ع الجسد أتواب منه
دهب زايف مترص
الأديب والشاعر الجريح
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي