( إرحم سُهدي )
********
ياللي واحشني تعالي وشوفني
إرحم سهدي وإرحم وجدي
وخلي قلبي يفرح بيك
نفسي أشوفك والمس إيدك
ونفسي أكمل عمري معاك
وتفضل عيني علي طول شايفاك
ياللي بِعدتّْ وغِبتّْ كِتير
وسايبني هموت من التفكير
ليه القسوه وليه تهجرني
ومن دفآ حضنك ليه تحرمني
وليه يطول بُعدك عني
ياللي بَحبك أكتر مني
تعالي وسامح لو وحشاك
وانسي خصامك وانسي عنادك
دانا ماعشتش يوم في غيابك
وخُدني فِي حُضنك لو مشتاق
هتلآقي دموعي بتترجاك
ومقبلاك بالحنيه وبالأشواق
ونسيت ألآمي وجريت عليك
ياأول حبيب وروحي فيك
ياللي وهبتك كل ايامي
ليه تحرمني من أحلامي
مهما زعلت مش هنساك
وهافضل أحبك واتمناك
واوهب حبك كل حياتي
دانا من غيرك حاسه مماتي
وخصامك ليآ مبكيني ليلاتي
انا محتاجه أكون وياك
مانت حبيبي وانا حته منك
وهافضل أحبك غصبٍ عنك
وليل ونهار هدوب في هواك
وإوعي في يوم عليآ تقسي
ولأيامنا الحلوه تنسي
وتنسي غرامي وتنسي حناني
وتنسي الليل وسهر الليالي
يالا تعالي إرجعلي ياغالي
حياتي من غيرك ملهاش معني
وأوعي تغيب أو تستغني
وتخلي دموع العين سبقاني
ونار الشوق علي طول كوياني
وألاقي البعد عذب روحي
وصحي فيآ كل جروحي
وسرق مني فرحة قلبي
تعالي ياغالي وارحم حبي
خواطر..( أشرف الدغيدي )
حقوق الملكية محفوظه
رئيس مجلس إدارة المجلة
ورئيس التحرير
#الجريح
طوب الخيانة لو إتقص
مينفعش فيه ألف مقص
لو بإيدي لأولع فيه
ولا يحتار منه أي مقص
لفلف ع الجسد أتواب منه
دهب زايف مترص
الأديب والشاعر الجريح
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي