( إسأل قلبك )
ليه بتبكي وتشكي وتقول هان عليكي ودي
وانا اللي عمري مااتغيرت ولا خونت يوم عهدي
ليه ياحبيبي بتظلمني وتتجني عليآ
طب إسأل قلبك وروحك إنت إيه بالنسبه ليآ
وإيه اللي غيرك وليه هان عليك تنساني
وأنا اللي بيعت الدنيا علشانك إنت ياأناني
وليه مطمرش فيك اللي عملته علشانك
لما حسيت في قلبي إني بحبك وبهواك
وكل اللي كنت عايزاه منك هو بس حنانك
وكنت مخلصالك في حبي وعشرتي معاك
وبقيت بالنسبالي كل اهلي وكل خلآني
وانت تبعد وتهجر وتسبني انا وناري وقلبي وحداني
وكنت آجي علي نفسي واصبر غصب عني روحي
وأقول بكره الشوق يصحي قلبه ويرجع ليآ تاني
وياما كان قلبي يحن عليك وانت بقسوتك تزود جروحي
وتغيب عليآ ويهون عليك عذاب قلبي ونوحي
وكان بين وبينك وبين حبي وحبك كتير مسافات
وانا بآجي علي نفسي واكتم جوايا الألم والأهات
علشان كنت شارياك وشاريه سنين عشرتي وياك
وانت لآ بتقدر أحاسيسي ولآ مشاعري
اللي كانت مصبرآني عليك هي وعزة نفسي
وكنت تهمل ودي واحتياجي حتي وأنا بقربك
وأشكي بيني وبين نفسي من الجفا والظلم منك
وبعد مافاض بيآ من قسوتك وقلة العطف والحنيه
جيت علي نفسي غصب عني وانت حبيبي بعدت عنك
وزي مااهملتني وانا في عز إحتياجي لحضن حبك
لما شوقك گان يجيبك ليآ رغم شوقي ليك قدرت علي هجرك
والحب اللي زرعته في قلبي ورويته بعطفي وحناني
لما اهملتني خليتني أهملته غصب عني من كتر حرماني
ودالوقتي جاي تبكي بالدموع وتشكي وتترجاني
ونسيت إني ياما جيتك واترجيتك تحس بيآ وترحم حالي
زي ماسقيتني كاس العذاب والضنا دوق واشرب واسهر كمان الليالي
علشان تحس بيا وبعذابي واللي منك كان بيجرالي
وتعرف ان علي قد ماتصون حبك وترويه بالعطف والحنيه
وتحافظ علي ودك وعهدك وتبعد عن الظلم والأسيه
هتلآقي الحب يكبر وينور في قلبي وفي قلبك
وعلي قد ماتخلص وتوفي في حبك هيضحي علشانك ويسعدك خلك
..............................................
خواطر....( أشرف الدغيدي )
حقوق النشر والطبع محفوظه
رئيس مجلس إدارة المجلة
ورئيس التحرير
#الجريح
ميراث الخسة عارفينه جاي م نين
واكل من كتاف الوفا وشطره نصين
لا وفاء ينفع له حتي لو هديته قلب ب روحين
بيرقص ويغني بالغدر ع الوفا ب وشين
لا توبه تشفع له حتي لو ساق م الهبل حبين
الأديب والشاعر الجريح
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي