( ندم الوداع )
وطول عمرنا في الحب عايشين صابرين
ونفرح بيه مهما عذبنا فيه الشوق والحنين
نتعذب ونتألم وعلي بعد الحبايب مش قادرين
نظلم الحب واحنا اللي طول عمرنا ظالمين
وليه لمآ قسوة قلوبنا تعذبنا نقول الحب عذاب
ومن كتر الحيره مع حبايبنا..قلوبنا تخلينا نعيش أغراب
وتفضل قلوبنا مشغوله بين أشواقنا ولُقانا
وبعد ماكُنآ اول ايام غرامنا عايشين هوانا
ونشتاق لحبايبنا حتي وهما بين ايدينا
ليه بنطفي الحب اللي بينا بخصامنا وبُعدنا
وكل واحد وخداه عزة نفسه مننآ
ونسينا إنه لازم نيجي علي نفسنا عشان حُبنآ
لكن يخساره لَّمآ يضيع الحب اللي وهبه لينا ربنآ
من غير ما نحس بيه ولا ندري الا لمآ يروح مننآ
وتعدي السنين علينا بعد ماكُنآ سنين أحباب
بقينا عايشين سوآ حبايب لكن أغراب
ونلقي حلاوة الحب اللي كانت في قلوبنا تاهت
ياهل تري مين هو اللي بيعاندنآ
وبيخلي الحنيه جوانا كده راحت
قسوة قلوبنا ولآ قسوة زمنآ
هي اللي خلَّت احاسيس قلوبنا ضاعت
والأيام تبعدنا كل يوم واحنا مش داريين
لآفكرنا يوم إيه هو اللي بيبعدنا
رغم شوقنا وحبنا عايشين والحب إنطفي جوانا
والأيام بتجري قدام نظرات عنينآ
ونبقي حاسين بالغربه من خصامنا وبُعدنآ
ويصبح بعيد اللي كان قريب
والحبيب يكون غريب
واحلامنا تموت معانا
ونعاني الوحده والأنين
وكل واحد عايشه جواه الأوهام
وعزة نفسه سارقه منه الأحلام
ونوهم نفسنا ونختار نبعد عشان نرتاح
ونلقي الحزن مالي قلوبنا والعين تبكي ندم الوداع
ولما نبعد نتألم ومش قادرين علي الندم نبوح
ولآ قادرين نتوب ونتسامح من كتر الأوجاع
وكل واحد فينا تاعبه احساس بجرحه
لمآ يغيب حبيبه وشوق قلبه يبقي حارقه
طب ليه نسيب قلوبنا تعاني الجراح
ونسهر الليالي متشوقين وكل واحد قلبه معاه سواح
لآ العيون هترتاح ولا القلوب هتشوف افراح
ولمين ساعتها هنروح نشكي يصبرنا من اهل الهوى
اللي اتعذب قبلينا في الحب وقلبه منه اتكوى
يقول لينا لما عذبه الهوى كان إيه الدوآ
لا قادرين نحمي حبنآ
ولا قادرين ننسي أحلي أيامنآ
ويعيش الحبيب جوانا ونفتكرله كل مكان
كان لينا معاه ذكري ايام الحب اللي كان
ولاقادرين ننسي الليالي اللي عشناها معاه أيام زمان
وبعد مايضيع نقضي الليالي سهاري مع طيفه نناجيه
ومع قمر الليل ونجومه نعيش ايامنا نحاكيه
وقلوبنا للحنين تفضل تشكي وتشكي
والعيون للشوق ليل ونهار بدموعها تبكي
ويروح الحب ويفضل الجرح نعانيه
ولمآ نفوق منين هنجيب صبر يصبرنا
ونخلي الشمس اللي كانت عنا غايبه
ترجع تاني تدفي قلوبنا وتنور حياتنا
وتعلمنا الأيام ازاي نخلي قلوبنا للوفا عايشه
من غير ماتعرف غياب وفراق وهجر جارح
ويابخت اللي كان قلبه كبير ساعتها وهيسامح
وييجي علي نفسه ويروح للحبيب ويصالح
ليه نستسلم ليأسنا ونقول نصيبنا وحظنا
وليه نظلم نفسنا بإيدينا ونقول اتظلمنا
خواطر..( أشرف الدغيدي )
حقوق الملكيه محفوظه
رئيس مجلس إدارة المجلة
ورئيس التحرير
#الجريح
دع الزمان لك بليغ
بليغ وشاعر وخطيب
وما الزمان إلا لإهله لمؤدب
لو ينفع في زمانهم التأديب
الأديب والشاعر الجريح
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي