المرأة الريفية الجزء التاسع ( للشاعر يوسف الحمله )
( وعن الكرامة أتحدث بلسان المرأة )
رحلة كفاح ...
أنا بـعت الـفـجـل والـجـرجير
ولمتها بعرقي وصبـرت كتـير
وكـل يــوم مــن سوق لسوق
رمـيـت أنـوثـتي ورا ضـهـري
ضحيت بـأجمل سنين عمري
لـجـل مـا نـطـلـع مـره لـفـوق
حسدوني الناس على صـبري
وعنيهم دايـمـاً عـلـى حِجري
وبقيت مرزوقه زوجة مرزوق
الناس دلـوقـتـى ليها الظاهر
والجوهـر علشان مش ظاهر
بلاقيه جـوايا دايمـاً مخنوق
أمتى الناس .. تحـس ببعض
أمتي تـخـاف .. عـلـى بعض
وتـعامل بـعض بـرقـه وذوق
يارب مش طالبه غير الستر
ودعوه في ركـعـتيـن الفجر
وتهـدي جوزي ولبيته يفوق
وتـوفـق ولادي وإللى زيـهم
وتحميهم حتى من نـفسـهم
ولا تـحـوجـهـم لأي مـخلوق
ونلتقي في الجزء العاشر
إن شاء الله
رحلة كفاح ...
بقلم شاعر الحدث
الشاعر يوسف الحمله
6/3/2018
رئيس مجلس إدارة المجلة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي