وأنا .. ماشى جوه الصاله ** الشاعر مختار فوده

وأنا .. ** 

ماشى جوه الصاله 

أتكعبلت فى حصاله

قلبى نط

للسما فط

قلت خلاص كده فرجت

وهب ورحت هززها

ما فيش شخاليل

فى أقرب حيط ورحت لززها 

وهب ودخنه وطلع عفريت

قالى يافقرى عايز أيه

قلت ياريت حبة لحاليح

رقص العفريت ولف دورين

وضحك ضحكه رجت فى البيت

ومد فى بوزه كمان شبرين

وراح مجعوص ..

قلى علشان الفكه تقلع بلبوص

وفى قلب القله تقب تغوص

أصب الصبه تاخد ملبوس

وأنا رحت معيط ..

حتى العفريت بياخدله يومين

وعايزنى أرقصله يا صحه منين

راح مد أيديه ..

وصعبت عليا يابنى أدمين

وهرش فى جيوبه طلع ريالين

على علبه فول ومعاها رغيفين

وبصله صعيدى وبتنجانتين

وأن رحت معيط ..

أيا مرى يا لهوى ..

حتى العفريت طلع كده فقرى

وقريت أيتين ..

هرب العفريت

والسكه منين

راح على الحصاله داخل ومبيت

وحياة أمك لتخرج من هنا ميت

ولحمت جنابها بقصدير ومغرى

ولا عمره يفك ولا عمره يطرى

ورميته فى أقرب بلاعه

عفريتى فقرى ولا عنده شفاعه

أيارتنى ياربى لقيت ولاعه

وقفلت الصاله بضبه ومفتاح

أه يانا يامرى حتى الحصاله .......................................*

الشاعر مختار فوده

31 مايو 2018

رئيس مجلس إدارة المجلة

ورئيس التحرير

#الجريح

دع الزمان لك بليغ

بليغ وشاعر وخطيب

وما الزمان إلا لإهله لمؤدب

لو ينفع في زمانهم التأديب

الأديب والشاعر الجريح

علاء محروس مرسي