( وضاع الحب )
....................................
وضاع الحب وانكتب البعاد
وغصب عني فات الميعاد
وكان الحب قدر ومكتوب
ولما خافت تبوح القلوب
لا قِدرنا نبعد ولاقِدرنا نتوب
والعقل تعب فالبعد كتير
وياما عاني من التفكير
إمته القرب للحبيب يصير
....................................
هجرت بإيدي احبابي
وبعدت عن كل أصحابي
وفضلت عايش في ناري
وفي الدنيا وحدي غريب
من غير حبيب أو حتي قريب
و ليل ونهار لوحدي سهران
البال مشغول وعلي طول حيران
.......................................
ياريتك ياقلبي كنت جريىء
وحافظت علي حب بريىء
وبالحب قدرت تبوح
من غير ياقلبي كسوف
ومن غير كمان خوف
كان البال والقلب ارتاح
ومن غير ألم وجراح
ومكنتش دوقت فحياتي مرار
ولا عيشت يوم واحد حرمان
ومكنش الزمن طلع غدار
ولا يوم حسيت بأنين
وعشت معاه احلي سنين
....................................
وياريتك ياحبيبتي ماكنتِ غنيه
كان يمكن ده شجعني شويه
عشان كنت ساعتها فقير
وحبيت اكون بيكي جدير
قررت اسافر لبلاد الغربه
وقولت أغيب فيها سنتين
اعمل فيهم قرشين
وارجع اطلب إيدك ياحبيبتي
وكانت دي غلطة عمري
لما خوفت ابوحلك بحبي
وخبيتو بين ضلوعي
وخليتك مني تروحي
................................
رجعت ومعايا احلامي
وسبقاني أماني أيامي
مانا جبت فلوس كتير
ولقيتك مشغوله بغيري
كان نفسي تعيشي ف خيري
ورجعت تاني تعاندني اقداري
وانكتب عليا حرماني وعذابي
مع إني مبقتش خلاص فقير
لكن ضيعت مني حب كبير
ربنا يسعد ياحبيبتي حياتك
مع اللي اخترتيه واختارك
مادام هو فارس أحلامك
.......................................
خواطر ( أشرف الدغيدي )
حقوق النشر والطبع محفوظهحمدى احمد
رئيس مجلس إدارة المجلة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي