أنا عاشقك ...
وعمرى ممل من عشقك
أنا بيكى ومعاكى ..
أنا ليكى ..أنا روحك
أداوى جروحى وجروحك
ودايب دوب
فى سحر عينيكى
فى ملامحك
م انا فرحك
ومشتاقلك
ومنتظرك
مهما طال البعاد بينا
ودقت المر والحرمان
رغم اللحظة فى بعادك
بقضيها سنين أحزان
******************
مانا عاشق فيكى روحك
كمان صورتك وملامحك
كما عشق الجمال سحرك
دى طلت قمرك يا حبيبتى
ينور لى ظلام ليلى
ولما تهللى بنسايمك
يضحكلى الكون وافرحبك
وفى لحظة ...
ياخدنى الشوق لعنيكى
يزورينى طيفك فى منامى
واقوم أرسم صورتك فى خيالى
أجمع كل جمال الكون فى أوصافك
واقول يمكن ف وصفك اكون جانى
يا شمس الكون يا اجمل ضى
ميكفينى ولا ألاقى لوصفك زى
*************************
أنا يا حبيبتى لقيت فيكى
هوى عمرى سكن روحى
وفى عشقك بقيت انا حر ..
بقيت عايش .. بقيت أنسان
وانا عاشقك وبحلفلك
ميرضينى حبيب غيرك
فى أى مكان
وبعلنها كما الثائر
فى قلب ميدان ...
أنا ليكى عاشق ولهان
*****★*****
بقلمى / الشاعر سيد الأبنوبى
حقوق الملكية والنشر محفوظة
رئيس مجلس إدارة المجلة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي