( الدنيا معاك )
...........................................
الحب كله عشتوا واتهنيت بيه معاك
وعمري إبتدآ يوم ماجيت وخدتني وياك
توهني غرامك ياحبيبي وانا بين إديك
والعشق كله ياروحي شفتوا جوه عنيك
وعمري كله ياضي عيني مش خساره فيك
ياأجمل حب حسيتوا فحياتي حياتي ليك
ياعشقي وغرامي وحبي وأجمل الأماني
إحلوت وياك أيامي واتحققت كل أحلآمي
...............................................
هفضل عمرى كله ياحبيبي شايلك فعنيا
ونعيش سوا أحلي سنين عمرنا اللي جايا
ونفضل أنا وانت ف الحب والهوى دايبين
ونغرق فالغرام والحنان ونفضل عطشانين
وجوه أحضانا قلوبنا بالحب دايماً دفيانه
وليل ونهار عقولنا فالعشق ياحبيبي هيمانه
نفرح ونتهني بحبنا اللي علي شوق جانا
ونحقق حلمنا اللي گان عايش سنين جوانا
...............................................
الله علي حبك ياحبيبي وهنايا في قربك
تعالي نعوض كل دقيقه راحت مننا أيام بعدك
والدنيآ معاك ياحبيبي شايفها فعنيا جميله
والناس كلها حواليا حاسس بقلوبها سعيده
حبك خلآ الناس فعنيا ياحبيبي كلها أحباب
وكإن كل الناس فيها قرايب مفيهاش أغراب
................................................
وعطر الحب في نسيم الهوا للناس بيفوح
وورد البساتين للحب في كل مكان بيفتح
والفراشات بين الزهور بترقص للحب وبتصبح
وأغصان الأشجار بتتمايل للحب شمال ويمين
والبلابل بتغرد للحب بين أغصان الياسمين
.......................................
خواطر ... (أشرف الدغيدي)
حقوق النشر والطبع محفوظه
رئيس مجلس إدارة المجلة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي