( أوعي تبعد )
..........................................
ليه ياحبيبي غبت تاني وليه بعدت عني
بعد ماتعودت قربك ياحبيبي مني
ونسيت كل عذابي اللي شوفتو قبل منك
اوعي تبعد عني تاني او تبعدني تاني عنك
الدنيا بقت دنيا جديده لما بقيت انت فيها
بشوفها جنه ياحبيبي وترابها حنه بامشي عليها
ياحبيبي غيابك عذاب وبعدك نار بتكويني
وقربك نهر من الحنان بيسقيني ويرويني
................................................
والسهر بيحلي معاك ياحبيبي واتعودت عليه
والليل عشق وغرام عيشته كله وغرقت فيه
اوعي تبعد عني تاني متحملش انا بُعدك
وتبعدني ولو ثواني مكونش فيها بقربك
وتحرمني الليل والأماني اللي بستناها طول نهاري
حبيتك ياحبيبي غصب عني وحبك مكنش إختياري
................................................
آاااه ياحبيبي آاااه من نار عشقك والجنه في غرامك
صحو فيآ الغيره والأشواق وصحو جنوني من كلامك
دا حبك خلاني كل ليله روح وطايره في السحاب
وخلآ كل الناس حبايب حتي العوازل والحساد أحباب
وخلآني أندم ياحبيبي علي كل لحظه معشتهاش معاك
دي السعاده كلها فحضنك وبين اديك والفَرَح ياحبيبي والهنا وياك
...........................ً......................
خواطر (أشرف الدغيدي)
حقوق الطبع والنشر محفوظهتحرير :
رئيس مجلس إدارة الجريدة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي