(ياعاشقين)
ياعاشقين الحب والغرام وجنونه
وسهرانين الليل وياالقمر ونجومه
قولو لليل يحن علي العشاق وِيّْطوُل
دا الحب كاويهم والعشق دوبهم
والعاشقين يالليل م النوم محرومين
وف غرامهم دايماً تايهين
ومن حلاوته موش حاسين
ودايماً قلوبهم في الحب دايبه
وعقولهم في العشق تايهه
آااه يالليل آاه لو كل يوم تطوُل
وتبقي يالليل ليهم ليل علي طول
أصل العيون يالليل مجافيها النوم
وكفايه عذابهم فغيابك طول اليوم
وعشانهم يالليل طَوّل علي قد ماتقدر
وخلِّي القلوب تفرح والعمر بالحب يكبر
والحبايب بفن العشق والغرام تتعلم
ازاي يدوبو فالحب ويدوبو حبايبهم
دالعشق مايحلي يالليل من غير جنون
ويحلي السهر لما النوم يخاصم الجفون
زى البحر والأمواج يالليل بتبقي هايجه فيه
والورد من غير عطور علي طول ترميه
دالعشق فن والحب احساس مابين حبيبين
وااه لما الحبايب تتوه في سحر العيون
ومن خمرالشفايف ونارها بيكونو سكاري تايهين
وعقولهم غايبه وقلوبهم دايبه هما الإتنين
آااه يالليل آااه م الحب وشقاوته
وجماله حتي فعذابه مش بس فحلاوته
وناره لما تحرق الحشا في غياب الحبيب
وآه من السهاد لما الحبيب ميكونش قريب
دالحب والغرام بيخلوالقلب دايماً عايش سعيد
والدنيا كل يوم فيها هيعدي كإنه يوم عيد
خواطر ( أشرف الدغيدي)
حقوق النشر والطبع محفوظه
تحرير :
رئيس مجلس إدارة الجريدة
ورئيس التحرير
الشاعر والكاتب المسرحي
علاء محروس مرسي
ليست هناك تعليقات:
إرسال تعليق
ضع تعليقا لمجلتكم :
هل أوفينا ؟
هل لكم إقتراحا لمجلتكم ؟
ما طلبكم قبل نشر مقالكم ؟
رئيس مجلس الإدارة ورئيس التحرير
الأديب والشاعر الجريح
علاء محروس مرسي